rakṣā vaidikavarṇānāṁ śikṣā durmatirakṣasām |
lakṣmīṁ dadyāc catuḥślokī lakṣmīkāntasya
bhūtivat ||
acpūrvaṁ hali hal dviruktam api ca
sparśo lavor dhvaḥ svarād
ūrdhvād rād dhali vā 'ci vā hal api
vā 'nusvārayuktādimau |
dvāv anyonyasahāyato 'ntaganaṅau
hrasvāt parāv acparau
dve dve sto 'pi ca pūrvam āgamam itas
turyadvitīyau halau ||1||
(1) acpūrvaṁ hali hal dviruktam: yajjñasya,
ājjyam, uru pprathassva
(2) sparśo lavordhvaḥ svarāt: kalppān,
vibhūdāvnne
(3) ūrdhvād rād dhali vā'ci vā hal: ūrkk
ca me, arkke, suvarggam
(4) api vā'nusvārayuktādimau dvāv anyonyasahāyataḥ: saṁṁśśravā ha, vayaṁṁ ssyāma
(5) antaganaṅau hrasvāt parāv acparau dve dve staḥ: aśmann ūrjam, nyaṅṅ agniḥ
(6) pūrvamāgamamitasturyadvitīyau halau:
ukkhyam,
megghyā, abbhy
asthāt, mūrkkhām, arddhamāse,
pragalbbhaḥ
bhūte dhāma ca pātha eṣa
paramātyātyagragāḥ pūrvagāḥ
kiṁ cordhvā upasargataś chakhibhujā
lakṣyāt kvacit pūrvagāḥ |
tanmadhye prathamāgamaś ca sadṛśaḥ sparśe
'py aghoṣoṣmaṇām
ūrdhve 'dhaḥ prathamo bhajet saṣaśato
'nanto dvitīyaṁ na vā ||2||
(1) (bhūte, dhāma, pātha eṣa,
parama, ati, āti, upasarga) + (ch, khi, bhujā) = () + (cch,
kkhi, bbhujā)
bhūtecchadām,
dhāmacchad iva, pāthaḥ | eṣa cchāgaḥ, paramacchadaḥ,
aticchandasam, āticchandasāya,
ā cchṛṇatti, ākkhidate,
prakkhidate, pari bbhujā.
(2) sparśe'pyaghoṣoṣmaṇām ūrdhve'dhaḥ prathamo bhajet: kāmaś cca me, vāyava sttha, varṣpma vai
(3) saṣaśato'nanto dvitīyaṁ na vā: ?
noṣmā tu prathamasvarāt prathamato
nānuttame halpare
vargye 'nuttama uttame na na visargo
ro haśasparśagaḥ |
lo vaḥ sparśaparaś ca naś ca yavahāt
pūrvo 'ntago na dvidhā
maḥ pūrvo 'py anunāsikaṁ ca
yavalasparśāt savarṇaṁ bhajet ||3||
(1) noṣmā tu prathamasvarāt prathamataḥ:
darśapūrṇamāsau, varṣāhvām, barsam; aśpman, varṣpma,
aspman
(2) nānuttame halpare varge'nuttama uttame na:
yaṅ
kāmayeta, tac chaṁyoḥ, tad dhiraṇyam; aggne,
dabbhnoti, pāppmānam
(3) na visargo raḥ: ghanāghanaḥ kṣobhanaḥ;
arccanty arkkam
(4) haśasparśagaḥ laḥ: malhāḥ,
sahasravalśāḥ, kalpān
(5) vaḥ sparśaparaḥ: vibhūdāvnne
(6) naśca yavahāt pūrvo'ntago na dvidhā: janān
yātayati, sarvān vai, etān homān
(7) maḥ pūrvo'pyanunāsikaṁ ca yavalasparśāt savarṇaṁ bhajet:
yaṅ
kāmayeta, śañ ca me, abiṣaṇ ṇāḥ, tan te, tam pratnathā, saṁyattāḥ,
saṁvatsaraḥ, taṁ
lokam
ṅo 'nantāt tadhayoḥ krameṇa parataḥ syātāṁ
kagāv āgamau
ṅāt kaḥ syāṭ ṭanatas tu taś ca saṣayoḥ
sparśād anuṣmātmanaḥ |
ūrdhvastheṣv api cottameṣu ca yamān āhus
tathānuttamān
nāsikyaṁ naṇamair yutād yajuṣi hād ñaḥ
syāc chapūrvasya naḥ ||4||
(1) ṅo'nantāt tadhayoḥ krameṇa parataḥ syātāṁ kagāvāgamau: yuṅkte, yuṅgdhvam
(2) ṅāt kaḥ syāṭṭanatastu taśca saṣayoḥ: pratyaṅk ṣaḍahaḥ, sadṛṅk samānaiḥ; vaṭt svayam, vaṣaṭt svāhā,
ṣaṭt ṣaṭ, vidvānt
somena, tasmint sahasraśākhe, tānt subdhān
(3)
sparśādanuṣmātmanaḥ | ūrdhvastheṣvapi cottameṣu ca yamān āhustathānuttamān:
rukkmam, aggnim,
(4) nāsikyaṁ naṇamairyutādyajuṣi hāt: ahnām,
aparāhṇe, brahmavādinaḥ
(5) ñaḥ syācchapūrvasya naḥ: praśñīyāt,
aśñāti
varṇakramacatuḥślokīṁ varṇakramavicakṣaṇāḥ
|
pāṭhataś cārthato jñātvā vijayadhvaṁ
diśo daśa ||
iti lakṣmīkāntaśikṣā
Notes:
1. Reference:
(b) Critical edition with
translation by Deepro Chakraborty:
An Edition of theLakṣmīkāntaśikṣā or the Varṇakramacatuśślokī
An Edition of theLakṣmīkāntaśikṣā or the Varṇakramacatuśślokī
2. Last update by Detlef Eichler: 14
October 2017
