prathamā kaṇḍikā |
atha pratijñā ||1.1|| (1)
mantrabrāhmaṇayor vedanāmadheyam ||1.2|| (2)
tasmiñ chukle yājuṣāmnāye mādhyaṁdinīyake mantre
svaraprakriyā ||1.3|| (3-4)
hṛdy anudāttaḥ ||1.4|| mūrdhny
udāttaḥ ||1.5|| śrutimūle svaritaḥ ||1.6|| (5)
evaṁ jātyādayo 'bhihitāḥ ||1.7|| (6)
brāhmaṇe tūdāttānudāttau bhāṣikasvārau ||1.8|| (7)
tānasvarāṇi chandovat sūtrāṇi ||1.9|| (8)
iti prathamā kaṇḍikā samāptā |
atha dvitīyā kaṇḍikā |
athāntaḥsthānām ādyasya
padādisthasyānyahalasaṁyuktasya saṁyuktasyāpi rephoṣmāntyābhyām ṛkāreṇa
cāviśeṣeṇādimadhyāvasāneṣūccāraṇe jakāroccāraṇam ||2.1|| (9)
dvirbhāve 'py evam ||2.2|| (10)
avagrahe ca | (11)
athopūrvakasya na | (12)
naśabdapūrvakasya | (13)
athāparāntaḥsthasyāyuktānyahalaḥ saṁyuktasyoṣmaṛkārair
ekārasahitoccāraṇam ||2.3|| (14)
evaṁ tṛtīyāntaḥsthasya kvacit ||2.4|| (15)
ṛkārasya tu saṁyuktāsaṁyuktasyāviśeṣeṇa sarvatraivam
||2.5|| (16)
athāntyasyāntaḥsthānāṁ padādimadhyāntasthasya
trividhaṁ gurumadhyamalaghuvṛttibhir uccāraṇam ||2.6|| (17)
atho mūrdhanyoṣmaṇo 'saṁyuktasya ṭumṛte saṁyuktasya
ca khakāroccāraṇam ||2.7|| (18)
kṣakāre ṣakāravat | (19)
kakārayoge khakāroccāraṇabhāva iti niyama tu na | (20)
adhyayanādikarmasu ||2.8|| arthavelāyāṁ prakṛtyā ||2.9|| (21)
iti dvitīyā kaṇḍikā samāptā |
atha tṛtīyā kaṇḍikā |
athānusvārasya m̐ ity ādeśaḥ śaṣasaharepheṣu (22) tasya
traividhyam ākhyātaṁ hrasvadīrghagurubhedair dīrghāt paro hrasvo hrasvāt paro
dīrgho gurau pare guruḥ ||3.1a|| (23)
māṁspacanyā ity atra tu na m̐kāroccāraṇam | (24)
parasavarṇeṣat prakṛtyā cānyatra ||3.1b|| (25)
visargeṣv īṣad virāmaḥ ||3.2|| (26)
padādyasya saṁyuktākārasyeṣaddīrghatā ca bhavatīṣaddīrghatā
ca bhavati ||3.3|| (27)
iti tṛtīyā kaṇḍikā samāptā ||
iti kātyāyanapariśiṣṭapratijñāsūtraṁ samāptam
Reference:
